大家都在看

主页 > L微生活 >新年游首尔 >

新年游首尔

2020-07-13 来源:http://www.vns1810.com 236
새해복많이받으세요!有无朋友仔农曆新年假会去首尔?韩国人习惯穿上韩服回乡跟喜迎亲友,市面上好多舖头都会关门,所以呢段时间去首尔,Shopping扫货真係好啲困难,倒不如入乡随俗,穿韩服去观光啦!不过有网络潮文叫大家千祈唔好带女朋友去首尔着韩服,事关除咗会被私有化做奴隶摄影师用尽每一分钟狂影,为咗件传说中粉红色款更要捱更抵夜去排队,情况仲惨过留喺香港OT!作为韩国线记者当然试过,今次综合中伏经验,同大家讲讲租 借韩服 的5大贴士!

01| 想拣心水款?记得早30分钟到场!

韩服设计华丽,款式真係超级多,不过真係有好多游客去租借,试过星期二去依然全场爆满,劲夸张!记得当日为了租借港女最爱的粉红色款,全世界早15分钟到达韩服店,点知竟然开咗门,舖内仲要劲多人,人潮夸张过名牌店1折开仓!唯有快手冲入去搵搵粉红色款,可惜已经全部租出,任务失败!问过店员,原来好多客人都早30分钟到店外排队,为的就是抢头位拣选心水款,尤其粉红色真係最抢手,所以各位男朋友唔想女朋友唔开心,记得要去早啲排队!

新年游首尔
晨早就超多人!
02|完全唔识穿着?叫韩妹帮手!

讲真,韩服设计劲阔又多层次,所以第一次着真係完全搞唔掂!场中见到好多游客都好怕羞,唔敢出声问人,而店员又超忙,最后只能马虎穿着!其实入挷腰带,紥胸口蝴蝶结等都非常考功夫,试过出声问韩妹客人想叫佢地帮帮手,佢地知我哋係游客竟然立即应承,仲帮手Set头,简直喺救星!所以自己搞唔掂而店员又忙紧时,试吓叫在场的韩妹客人帮手吧!

新年游首尔
大部分租借韩服的店舖都提供梳化服务。
新年游首尔
韩服服结有特定绑法,绑错的话会被韩国人眼望望,最好由店员代劳。
03|冬天着韩服 记得要保暖!

1、2月出发首尔,天气多数接近零度,韩服布料劲薄,当然唔够保暖吧!咁究竟要点穿着呢?韩服裙摆超级阔,完全睇唔去你在裙摆内穿了甚幺,所以尽情着吧!建议着legging+丝袜要多加一条牛仔裤,咁就唔怕裙摆入风会好冻,一定够暖!反而韩服上衣超贴身,好难着太多层,有人建议至少要穿2-3件heattech及冷衫先够,咁样当然够保暖,但入室内一定超级热!个人建议长袖heattect+卫衣已经够,反而穿好韩服后再穿上防风羽绒外套,去到景点影相先除衫,虽然较麻烦,但室外够暖,入室内又唔怕太热!

新年游首尔
夏天可以穿上小背心打底,但冬天最少要2、3件heat-tech,再加丝袜至够!
04|咪贪靓着高踭!波鞋先够舒服!

刚刚讲过韩服裙摆又长又阔,令不少女士为了令双脚更显长,劲贪靓会着高踭,同Model为影相都试过一次,事后Model劲抱怨:「真係超级辛苦!」因为搵靓景点行路行劲耐,又要行沙地、泥路等,真係好麻烦,而且挷鞋带要伸高只脚,绝对係攞苦嚟辛,所以大家咪挑战,着波鞋一定最稳阵,想双脚更显长?拣厚底Platform款吧!

新年游首尔
虽然着韩服唔似和服,行得咁辛苦,但建议唔好着高跟鞋啦。
05|着韩服行街好尴尬?完全无问题!

着韩服行街以为会有好多人投以奇怪目光,结果係完全无人理!其实韩国人非常习惯旅客着韩服周围去,所以唔好再惊尴尬,剩係去景福宫、北村等景点,着住去弘大行街都唔怕!试搭地铁时Model大胆尝试以骑呢Pose挑逗呀叔,可惜呀叔见怪不怪,毫无反应,劲好笑!入去化妆店问韩仔化妆师着韩服行化妆品店喺咪好怪,佢都话好普遍,仲即场教路如何令妆容更衬韩服!

新年游首尔
着住韩服周围去,都唔会好惹人注目。
新年游首尔
着韩服行街太怕丑?实情是当地人完全唔会理你。



上一篇: 下一篇: